شعروأدب
27/04/2018 - 08:58:50 am
| مشاهدات 314 |
آه يا زمن - زهير دعيم
آه يا زمن - زهير دعيم

آه منك يا زمن 
عَضّيتنا بنابَكْ 
وقفّلت في وجوهنا بوابك
ورميتنا خلف الجبالْ 
بلا هوّية ، بلا موّالْ
 عَ دروب لا هي دروبْ 
والسّما معكّرة 
والقمر معصوبْ 
ونجوم عم تبكي 
عَ شي حلم بيذوبْ 

لا تتعب يا قمر 
بتنادي ما في حدا
صار الاخو بهالايام 
لخيّو عِدا
وتفرّقت القلوب 
والمصلحة دين صرنا بنعبدو 
بنحرق ارواحنا بخور 
جوّا معبدو


آه منك يا زمن 
وين أيام الهنا 
وين طلاتو ؟
وين الطّابون الحلو 
وين خبزاتو ؟
والابريق على الاسكملة 
تغنّي ميّاتو !!

ما أحلى القعدة سوا
 بليلة ربيعية 
والربّ حامي الحِمى 
ليْليّة ، ليلية 
بيسهر علينا من فوق
بنظرة حميميّة 

يلّلا  نرنّم  ونحبّ
صبحيّة وعصرية 
تتعود البلد من جديد
 بالإيمان  مضوية

| مشاهدات 314 |
المزيد من الشعروأدب

التعليقات تعبر عن أراء اصحابها وعلى مسؤوليتهم ولا تعبر عن رأي ادارة موقع جيران دير الاسد

تعليقات
الاسم/الكنية:
التعليق :
اعلانات تجارية
اعلانات تجارية
اعلانات تجارية
Developed & Designed by Sigma-Space.com | Hosting by Sigma-Hosting.com